وجَّه الفنان تامر حسني الشكر للأستاذ تركي آل الشيخ، رئيس هيئة الترفيه، بعد تصريحاته بشأن فيلمه “بحبك” وبأنه حقق أرقاماً قياسية مسجلة في عام 2022 بما يقارب المليار جنيه في المملكة العربية السعودية.
وقال حسني في رسالة عبر “إنستغرام”: “خالص الشكر لمعالي الأستاذ تركي آل الشيخ. نصرتني يا أبوناصر. بعيداً طبعاً عن أن الرقم ده بيروح لموزعين الخارج عشان محدش يفتكر أن المنتج أو الأبطال بياخدوا الرقم ده. لأ ده رقم بيتوزع على موزعين الخارج في العالم كله. والفنان له أجر ثابت”.
وتابع: “المهم الكثير كان بيشكك في إيراداتي وكتير انتقدوا الفيلم قبل ما ينزل.. لمجرد أنه تأليفي وإخراجي وموسيقتي التصويرية.. كنت مأجل بوست احتفالي معاكوا بنجاح فيلم بحبك اللي عدا عليه سنتين حتى تعلن الجهة المختصة عن رقمه القياسي”.
وأكمل: “تيجي بقى من أبوناصر نفسه أمام العالم كله. ليثبت إنه كان كلامي صح وإني مش بقول غير الحق ولا مضطر أقول غير الحق. وطبعاً ده غير إيرادات الفيلم في مصر وباقي دول العالم”، وتوالت التعليقات على تامر حسني ومنها ابنته تالية التي قالت: “أنا فخورة بك برافو”.